Thursday, October 28, 2010

തെരുവില്‍ അലിഞ്ഞുപോയ ഒരാള്‍

                                              കവിത വിറ്റ് കള്ളു കുടിച്ച് നീ
                                              വഴി പിഴച്ചു പോയി.
                                              നിനക്കു മുമ്പേ ജനിച്ചവന്‍ നീ തന്നെ
                                              ആയിരുന്നു.
                                              നിന്റെ സ്നാപകനും വഴികാട്ടിയും എല്ലാം നീ തന്നെ.
                                              വഴിവക്കില്‍, ആള്‍ക്കൂട്ടത്തില്‍,
                                              ഉത്സവപ്പറമ്പില്‍, തീവണ്ടിയില്‍,
                                              നീ ലഹരിയെ കവിതയാക്കി,
                                              കവിതയെ ലഹരിയാക്കി.
                                              കത്തുന്ന മധ്യാഹ്നത്തില്‍
                                              നീ പ്രണയത്തിന്റെ ‘ഒരില ഭക്ഷിച്ചു’
                                              വറുതിയാല്‍ വറ്റിയ കണ്ണില്‍
                                              കെട്ടുപോയ അഗ്നി ഉമിത്തീ പോലെ പടരുന്നത്
                                              ഞങ്ങള്‍ അറിഞ്ഞില്ല.
                                              ചിത്തരോഗാശുപത്രില്‍ നിന്നും
                                              ഇറങ്ങിയോടിയത് നീ ആയിരുന്നില്ല.

                                              വഴിയില്‍ എവിടെയോ നീ പൊഴിഞ്ഞു പോയിരുന്നു.
                                              ഹ്രിദയത്തിലെ ആ ചുവന്ന പൂ
                                              ആരോ ഇറുത്തെടുത്ത്
                                              നിന്റെ മുഖം മൂടുമെന്ന് നീ വെറുതെ സ്വപ്നം കണ്ടു.
                                              നിന്റെ ശവപ്പെട്ടി ചുമക്കുന്നവരില്‍ ഏറ്റവും
                                              മുമ്പില്‍ ബറബ്ബാസ് തന്നെയായിരുന്നു.

                                             തെരുവോരത്ത് നീ വീണ്ടും നുരഞ്ഞു പൊന്തുകയാണ്.
                                             പ്രണയത്തിനും പാപത്തിനുമിടക്ക്
                                             അലിഞ്ഞുതീര്‍ന്നു പോയി, നീ.


9 comments:

സിദ്ധീക്ക് തൊഴിയൂര്‍ said...

കവിയോടുള്ള ആത്മരോഷമോ..അതോ കരുണയോ?

കാപ്പാടന്‍ said...

very good

Balu puduppadi said...

ആര്‍ക്ക് കഴിയും ഇങ്ങനെ? വ്യവസ്ഥാപിത മൂല്യങ്ങളോട് പടപൊരുതാന്‍ മനഃപൂര്‍വം മുന്നിട്ടിറങ്ങിയതല്ല, അയ്യപ്പന്‍. എങ്കിലും തനിക്കുവേണ്ടി ജീവിച്ചു മരിച്ച മറ്റൊരാള്‍ ഇങ്ങനെ ഉണ്ടാവില്ല.

ഗിനി said...

nannayittundu baluetta,

jayarajmurukkumpuzha said...

valare mikacha kavitha.... abhinandanangal.....

Ranipriya said...

Very good....

Pranavam Ravikumar a.k.a. Kochuravi said...

Very Nice!

Byju Narayan said...

കവിത മുമ്പേ നടക്കട്ടെ കവിയില്ലെങ്ങിലും
കവിത മനോഹരം
ആശംസകൾ

Byju Narayan said...
This comment has been removed by the author.

My Blog List

Subscribe Now: Feed Icon